Tamil Web Log

 யார் அவள் 
கதையோடு 
கதை விட்டு 
காரியமாய்  
பூராயம் புடுங்குகின்றாள்

அவள்தான் 
மங்கையர்க்கரசி 
மாதர் சங்கத் தலைவி
மங்கையரின்
மானம் 
அடகு வைக்கும் 
மாதர் குல மாணிக்கம் 
மகத்தான சேவை செய்யும்
மகாராணி 

பூராயம் புடுங்காவிட்டால் 
அவளுக்கு 
பொழுது விடியாது 
அறுத்து அறுத்து 
அலசி
மனதின் 
உள்ளிருக்கும் விடயமெல்லாம் 
வெளிக்கொணரும் 
மின்னல் அவள்

தினமும் மாலை
மாதர் சங்கத்தில் 
திரும்பவும்
அவை அறுத்து   
அலசி ஆராய்ந்து 
ஆட்சேபம் எதுவும் இன்றி 
ஒப்புவிக்கும் ஒய்யாரி 

இரவில் இனியவனிடமும்  
இங்கிதமாயச சொல்லி
இளித்து 
இனிப்புப்  பல வாங்கும் அவன்
இதயத்து ராணி 

இவள் எல்லாம் 
இங்கிருந்து என்ன பயன் 
அவளாரின் கதை எல்லாம் 
அலசி ஆராந்து இவளுக்கு 
ஆவதுதான் என்ன 
கேட்டால் 
அவள்தானாம் 
சமூகததின் சீர்திருத்தவாதி
எனைக் கேட்டால்  
இவளெல்லாம் 
அவள் கதையைச சொல்லி 
தன கதையை மறைக்கும்
காரியக்காரி என்பேன் 
மற்றவர் 
பூராயம் புடுங்காமல் 
எம் பொழுது விடியட்டும்